نجوى المالحي-كود//
ازمة ديال بصح كتعيشها قناة Mbc5 لي موجهة للمغاربة، ولي عاد بدات هادي 15 اليوم .
القناة اختارت استوديوهات في مصر باش يصورو البرامج اليومية والاسبوعية وحتى الشهرية.
والتبرگيگة لي جابت “كود” أن المنشطين لي مستغلين اسمهم وصداقتهم مع الفنانين باش يجيو لبرامجهم كيتصدمو بالرفض. مصدر أكد لـ”كود” أن المغاربة واعيين وعارفين الصداع لي نايض على السيسي والمظاهرات لي كتوقع كل جمعة وولاو خايفين تنوض الثورة ويبقاو حاصلين تما.
الاقناع كيكون ببزاف ديال الطرق وأولها الفلوس، وحاليا مازال مفاوضات مع أسماء كبيرة باش يقبلو ليهم المشاركة في البرامج.
وكايت حديث على امكانية تغيير المقر من مصر لبلاد اخر، بعدما رفض المغرب يكون التصوير فيه.
