نجوى المالحي-كود//

في الوقت لي خاصها تسكت وتدخل سوق راسها كيف كيديرو النجوم العالميين لي قالت حتى هوما دخلو للحبس، مازالت دنيا باطمة كتخرج عينيها كالعادة.

الشوهة ديال باطمة ما بقاتش حدها الحدود، وبمجرد ما تكتب اسمها في گوگل يطلعو ليك غير الفضائح والقضية ديال “حمزة مون بيبي”، وحتى انجاز مهني ما بقا كيرتبط باسمها.

دنيا باطمة بعد النطق بالحكم ولات حديث بزاف ديال وسائل الإعلام، ماشي غير المغربية، ولكن حتى الدولية، لي طرقت لقضيتها.

قناة BBC العالمية ما قصراتش من حقها في قضية حمزة مون بيبي، وضربات ليها الطر بكل مهنية، طبعا، في فقرة خاصة في برنامج Trending، لي كيتبعوه الملايين عبر العالم.