الرئيسية > آش واقع > قطع العلاقات مع اسبانيا ماشي ساهلة. القرار بيد الملك وغادي يكون شي رد والرباط مستحيل ديرها وتلقى راسها محاصرة من كل بلاصة
02/06/2021 12:30 آش واقع

قطع العلاقات مع اسبانيا ماشي ساهلة. القرار بيد الملك وغادي يكون شي رد والرباط مستحيل ديرها وتلقى راسها محاصرة من كل بلاصة

قطع العلاقات مع اسبانيا ماشي ساهلة. القرار بيد الملك وغادي يكون شي رد والرباط مستحيل ديرها وتلقى راسها محاصرة من كل بلاصة

كود هناء ابو علي ///

قطع العلاقات بين المغرب واسبانيا مستبعد وبزاف. البارح كان بيان للداخلية والخارجية فيه ان المغرب بامر من محمد السادس قابل يرجع القاصرين دياولنا للي ما عندهم مرافق فاوربا ولكن فالبيان اشارة لرد مغربي محتمل. فاخر البيان فيه “السلطات المغربية تحتفظ بالحق في أن تقدم، في الوقت المناسب، الردود المناسبة على اتهامات الحكومة الإسبانية التي لا أساس لها”.

الرد المغربي ممكن يكون امور كثيرة ولكن ماشي طرد السفير الاسباني كيف كيروج دابا. ياك وقع مشكلة مع المانيا واستدعينا سفيرتنا للتشاور وراه سفيرهم مازال فالرباط وديك النهار تلاقى مع رئيسة جهة طنجة تطوان الحسيمة فاطمة الحساني. راه مصالح الدول هادي ماشي مواقف انفعالية

قبل كان بيان واخا موقعاه وزارة الخارجية باين منين خارج٬ فيه ان المشكلة اللي عند المغرب ماشي مع الشعب الاسباني الشقيق ولكن مع فئة منو. طبعا حنا عندنا تقريبا اكثر من مليون مغربي فالجارة الشمالية. ثم الرباط ماشي غبية تخلي راسها محاصرة بدول “ماشي صديقة”. باراكا عندنا الجزائر فالشرق ونزيدو اسبانيا. كيبان لي هاد الشي مستحيل

المغرب ما غاديش يقطع علاقاتو مع اسبانيا. طرد السفير هادي مستحيلة. قرارات اخرى للضغط على الحكومة. ممكن. قطع التعاون فشي مجالات ماشي كلشي. ممكن.

اسبانيا جار. زوينة جار. خايبة جار. مكتوب علينا نتعايشو معاها. اللي يجمعنا اكثر من اللي يفرقنا. دابا فاسبانيا حتى شي حد ما كيطالب بقطع العلاقة معانا حتى الد اعداءنا. علاش المغرب يعطيهم هاد الهدية. الحكومة الحالية واحلة مع كاتالونيا والعفو على الانفصاليين. خليهم يغرقو وما نعطيهمش كادو يربحو فيه الراي العام المحلي

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم