نجوى المالحي-كود//

قضية عادل الميلودي لي داير حالة وكيسب وكيعاير في دراري كيقولو انهم ولادو وهو رافضهم، وتسربو اوديوهات كيسب فيهم من الحزام والتحت هو ومراتو ايمان بدات كتأثر ليه على الكاريير ديالو.

هاد الصباح إدارة المهرجان الدولي للموسيقى “جوهرة” لي كاين في أزمور دارو بلاغ كيعلنو فيه أنهم لغاو التعاقد ديالهم مع الميلودي بسبب المستجدات لي وقعات هاد اليوماين وعوضوه بمغني الشعبي ‘طهور’.

وجا في البلاغ “إن إدارة المهرجان إذ تبلغ جمهور الفنان ” عادل الميلودي ” بهذا الطارئ، تطمئنه بأن هذا لا يعني اتخاذها أي موقف منه، بسبب هذه المستجدات وستستمر في التعامل معه في النسخ المستقبلة من المهرجان”.

المسؤولين خافو تنوض الروينة الا جابوه حيت تصروفاتو وتصريحاتو لي دون المستوى ماعجباتش بزاف ديال الناس.

وحاليا الدراري لي كيقولو انهم ولادو صعدو معاه وحطو ملف النسب في المحكمة.