اسماء غربي – كود//

وسائل إعلام فرنسية اكدات اليوم ان المحكمة قررات تغيير التهمة الموجهة الى سعد لمجرد، من تهمة “الاغتصاب المقرون بالعنف”، إلى “العنف” فقط.

ومثل لمجرد، نهار الثلاثاء اللي فات، على المحكمة الجنحية في باريس، بخصوص التهم الموجهة إليه، بعدما رفعات عليه الفرنسية “لورا بريول” دعوى كتتاهمو فيها بالاغتصاب تحت التهديد والعنف.

وذكرت جريدة “لوموند” الفرنسية، أن الجلسة كانت في صالح لمجرد اللي متهم في قضية اغتصاب أخرى.

وفيديدا، المحامي الخاص للمجرد، كذب المعطيات اللي كتقول ان لمجرد اعتدا جنسيا على لورا بريول، ورحب بالقرار وقال: ”هو تأكيد قضائي لداكشي اللي كان كيقول لمجرد من اللول، لم يكن اغتصاب”.

وقال محامي لورا على قرار المحكمة: ;هادي خيبة أمل، في رأينا خاص إعادة لمجرد إلى المحكمة”.

سعد المجرد يتابع هادي دابا اكثر من 3 سنين بتهمة الاغتصاب المرفق بالعنف والتهديد على لورا بريول، قبل مايبانو مشتكيات أخريات.