20/04/2024 02:00
زلزال قوي ضرب تركيا.. 2 ديال الصمعات طاحو ووزير الداخلية صيفط خبراء للمدينة
نجوى المالحي-كود//
المانكان المغربية نهيلة أملقي لي جابوها البوليس صحة في مراكش باش يستامعو ليها في قضية حمزة مون بيبي، بعدما كشفات مراسلات شركات تحويل الأموال أنها سيفطات 14 ألف درهم للمشتبه فيه الرئيسي، عايشة الحياة ومامسوقاش.
نهيلة كتحط تصاور وفيديوهات في سناب شات وهي فوق العمارية، وعايشة بحصص التصوير والعراضات والاشهارات مع النكَافات وكدخل في الفلوس.
نهيلة لي مستقرة في دبي سمعو ليها البوليس وقالت أنها سيفطات الفلوس لمول حسابات حمزة مون بيبي حيت كان مكلف بالكونط ديالها في انستكَرام مقابل 2500 درهم شهريا.
المحادثة بيناتهم تعهد فيها المشتبه به بحماية الكونط ديالها من حمزة مون بيبي لي كيعرفو، بلاما تكون عارفة أنه هو نيت مع العصابة.
