وكالات //

كشفات الصحافة في هوليود أن مساعد المخرج اللي عطا للممثل أليك بالدوين الفردي، اللي غايقتل بيه من بعد، عن طريق الخطأ، مديرة التصوير كانو جراو عليه من فيلم سابق في حادثة استخدم فيها السلاح.

وقال أحد منتجي فيلم “فريدومز باث” (Freedom’s Path)، اللي تنتج في 2019، أن مساعد المخرج كان جرح واحد من فريق العمل بالقرطاس.

نفس الشخص هو اللي عطا لأليك بالدوين السلاح اللي كان يفترض أنه يكون آمن ومافيهش القرطاس ديال بصح، لكن فاجعة وقعات وسط التورناج من بعد.

ونفس المصادر قالت أن عدد من عناصر فريق تصوير فيلم “راست” لعبو بالفردي حتى عياو قبل التورناج وشيرو على القراعي بيه وفي الأخير عطاوه للممثل باش يدوز بيه المشهد ديالو.