نجوى المالحي-كود//
الفيديو الصادم ديال واحد سيد كيكسيري بطوموبيل وكيحاول يدخل في الدراري ديال المدرسة باش يقتلهم خلف ردود فعل صادمة.
الكوميدية كوثر بامحمد شاركات الفيديو في صفحتها على انستگرام لي فيها 3 مليون متابع، وتساءلات على العقوبة لي غادي يتم تقريرها ضد هاد الشخص. واضافت “هادشي الا مخرجاتش مو وقالت ولدي غا بوهالي”.
محاولة قتل العشرات من التلاميذ، أمام المؤسسات التعليمية بإسيل مراكش…. بارطاجي يتشد هاد خونا.
Publiée par GOUD sur Mercredi 11 mars 2020
وباش متجبدش النحل على راسها قالت “كَاع الأمهات مايبغيوش ولادهم يتحطو في هاد المواقف، ولكن كان عليه يفكر 10 آلاف مرة قبل ما يدير هادشي”.
الفيديو تصور في مراكش، وحسب التعاليق لي وصلو لكوثر بامو أن مول الطوموبيل ضارب مع شي راجل كبير والتلاميذ مرضاوش بالحكَرة وحاولو يمنعوه باش مايهربش، ساعة هو باش يهرب كان غادي يقتل فياج ديال بنادم.
