أنس العمري -كود//
البوليس فجديدة كيستامعو لإيمان “كوين” لي معروفة بتيكك توك بفيديوهات كتدوي على كيفاش الواحد يتعامل مع الراجل والعدوزة قبل ما طلق ودارت البوز بالخرجات ديالها كتبكي وتغوت وتندب فالحناك.
المعلومات لي عند كَود أن البوليس كيستامعو ليها هي وراجلها حيت كل واحد حط شكاية بالثاني، والقضية كبرات بعدما دارت لايف معاها ولادها ثلاثة فطوموبيل وكانت كتقول غادي تنتاحر وكانت فحالة خايبة لي ممكن دير شي مصيبة فراسها.
دابة نايضة واحد الحرب كبيرة داخلين فيها نصابة كثار كل واحد كيجر القضية لجيهتو، وهاد الحالة لي دايرين غادي تسالي بشي مصيبة كحلة لي أي مشيو فيها ناس كثار.
هادشي فات البوز والأمور بدات كتخرج على السيطرة. الانترنت خاص تكون فيه الحرية ولكن ماشي لدرجة نهددو حياة الاخرين، ونهددو بارتكاب جريمة..
