استطلاع.. غالبية المريكانيين كيبان ليهوم أن إدارة ترامب أنجح من ديال بايدن
كود : أحمد الطيب//
شي مرات عدم وجود بنيات لاستقبال المضطربين نفسيا يقدر يتسبب بكوارث أو على الأقل وقائع غريبة تثير الضحك كما وقع في الحي المحمدي بالدار البيضاء الأسبوع الماضي .
الدائرة 32 لأمن الحي المحمدي اعتقلت الأسبوع الماضي شخصا في الـ 47 من العمر، متحوزا مدية من الحجم الكبير وكمية من الحشيش للاستهلاك الشخصي.
حتى لهنا كلشي عادي، لكن سبب الاعتقال هو أن هاد الشخص اتهم جوج عيالات من دربهم متزوجين برجال آخرين بالحي المحمدي أنهم والدين معاه الدراري وفي نفس الوقت كيقول أنهم شفروه وداو ليه مليار سنتيم.
هاد الجنون صبروا ليه الجيران والضحايا بزاف وفق مصدر “كود” ، لأن السيد كيبان أنه فاقد للأهلية، لكن تحوزه لسكين كبير الحجم والطريقة الواثقة التي يتكلم بها، وخوف السكان من تهديداته خلاهم يشكيو للدائرة 32 بالحي المحمدي.
الأمن اعتقل الشخص المختل وحقق معاه ودفعوه للمحكمة الابتدائية بعين السبع، لكن السيد تشبت بأقواله وقال للوكيل أنه باغي ولادوا يتعرفوا عليه، وزاد تفرويح آخر حينما أكد أن الراحل الحسن الثاني كافآه بمنحه ماسة بعد اعتقاله للكوميسير تابث، تفرويح خلا النيابة العامة تطلب إجراء خبرة على المتهم قصد إيداعه مستشفى الأمراض العقلية.
فيما كان على النساء الضحايا التنفس الصعداء حينما اتهمن في شرفهن، بل أنه مشا تال عند أبناء الضحايا وهن في الثلاثينات من العمر وكيقوليهم أنه باهم، غير الشباب حكموا العقل وعرفوه مختل عقليا وما داروش رد فعل عنيف.