وكالات //
عضو فمجلس النواب المصري ناض لعمدة مدينة الإسكندرية اللي دار تكريم للفنانة سمية الخشاب بمناسبة العيد الوطني لمصر.
البرلماني نوض الروينة بالسؤال ديالو فالمجلس المذكور، واللي سول فيه عمدة الإسكندرية على أشناهي الإنجازات والمجهودات اللي تكون دارت سمية الخشاب لفائدة مصر ولمدينة الإسكندرية خصوصا باش تتكرم فنهار العيد الوطني اللي عندو رمزية كبيرة عندهم؟، حسب كلام ذات النائب.
سمية الخشاب يبدو أنها ما تسوقاتش لهاد الروينة اللي ناضت بسباب تكريمها، ونشرات تصاور من حفلة التكريم على صفحتها فموقع “تويتر” والمسؤولين فمدينة الإسكندرية اللي نظمو وساهمو فتكريمها، وقالت أنها فرحانة لأنها تكرمات فهاد المناسبة ديال العيد الوطني فبلادها.
