الرئيسية > آش واقع > قبيلة “الشعيبي” باقية كتتمدد. مبحوث عنهم وصحاب السوابق كيستغلو منصات السوشيال ميديا لإهانة القضاة والتشهير بالبوليس وابتزازهم لفائدة جهات مجهولة
08/06/2023 18:00 آش واقع

قبيلة “الشعيبي” باقية كتتمدد. مبحوث عنهم وصحاب السوابق كيستغلو منصات السوشيال ميديا لإهانة القضاة والتشهير بالبوليس وابتزازهم لفائدة جهات مجهولة

قبيلة “الشعيبي” باقية كتتمدد. مبحوث عنهم وصحاب السوابق كيستغلو منصات السوشيال ميديا لإهانة القضاة والتشهير بالبوليس وابتزازهم لفائدة جهات مجهولة

كريم الصوفي – كود//

[email protected]

من بعد أسابيع قليلة على توقيف المدعو الشعيبي مول “حموشيات” اللي تشد فالإمارات، بسباب علاقتو بجرائم كثيرة ومعاه عصابة فيها سواعدة وأتراك ومغاربة خدامين فمؤسسات بنكية وشركات. انتشرات مؤخرا، قنوات وحسابات جديدة ف اليوتوب وتيك توك، كيشرفو عليها مبحوث عنهم وصحاب سوابق، وكيستغلوها لتوجيه اداعاءات كيدية ضد مؤسستي القضاء والأمن.

الشعيبي اللي غادي يجيبو البوليس المغربي، وكيساينو غير تتسالا شي محاكمة ديالو أمام القضاء فالإمارات، يمكن تشد وخلا قبيلتو خدامين من وراه، بحال واحد كان كيبيع البيجامات واحتال على مجموعة من الضحايا فـ مراكش وهرب لـ كندا ودار قناة فـ اليوتوب متخصصة فـ إهانة القضاة والتشهير بموظفين أمنيين وخواص وابتزازهم لفائدة جهات مجهولة.

صاحب هاد القناة اللي كان كـيتستر على المصادر ديالو دار، مؤخرا، سلسلة ديال اللايفات كشف فيها عن واحد من الناس اللي كيزودوه بالأخبار المسمومة والاتهامات اللي ما عندها ساس ولا راس، وكيتعلق الأمر بشخص معروف بسوابقه القضائية وركوب موجة السطو على العقارات وديما كيقدم راسو ضحية للقضاء المغربي وعندو علاقات مع صحاب اللحايا واللي كـيتهم جهات بسرقة مشروعه الاستثماري وبتعريضه من طرف الأمن المغربي لممارسات غير قانونية.

وأشارت تقارير إعلامية، أن الأبحاث الأولية في قضية مول “حموشيات” كشفات عن تورط مجموعة من الأشخاص في ربط الاتصال به، وتزويده بالمعلومات المغلوطة بهدف التشهير بالمسؤولين الأمنيين أو مسؤولي شركات كبرى بالمغرب، ونشر ادعاءات باطلة مست مؤسسة وطنية اقتصادية كبرى.

فظل موجة التحريض على المغرب والمؤسسات ديالو، فـ ماشي بعيد باش يكونو هاد الناس خدامين لمصلحة أجندات تحريضية وجهات خارجية معروفة بعدائها للمملكة وحقدها على كل ما مغربي..

موضوعات أخرى

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:15

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة