نجوى المالحي-كود//
بدر هاري البطل المغربي في رياضة الكيك بوكسينگ مابقا ليه والو على كومبا الثأر ضد الهولندي ريكو فيرهوفن لي غادي تكون شهر دجنبر الجاي.
هاري لي أشهر وهو كيستعد، رجع حاليا للمغرب باش يكمل الاستعدادات، وكل مرة كيحط تصويرة من التداريب فالكونط ديالو على انستگرام، وكيأكد أنه مستعد وغادي يعطي للمنافس ديالو قتلة ديال العصا.
الكومبا غالب عليه طابع الثأثر لأنه في آخر نزال جمع هاري وريكو هادي 3 سنين، ربح ريكو وانسحب هاري حيت كان تهرس من يدو ومن ديك الوقت وهو شاد فخاطرو ومامفاكش.
وكانت اخر زيارة قام بيها هاري للمغرب هادي مكاملاش شهر، ورجع بعدها لهولندا فين كانت ندوة صحافية قال فيها لريكو “غادي نحزق يماك” بعدما عصبو.
