كود الرباط//
علمت “كود” من مصادر محلية أن عامل إقليم الصخيرات تمارة، تدخل لوقف حالة خرق الطوارئ الصحية بعد تلقيه لشكاية تخص “استمرار الحواتا في بيع الأسماك قبالت بحر سيد العابد نواحي الهرهورة”.
مصادر “كود” قالت بلي القايد لي ميك على هادو لي كيبيعو وكيختلطو قبالت البحر ديال سيدي العابد، جاه التنبيه من العامل بعدما توصل بشكاية من أحد المواطنين.
هادو كانو كيبيعو الحوت حدا البحر اكثر من شهر وتا حد متسوق ليهم والقايد ميك عليهم مع الحجر
من بعد هادشي زاد القايد دار فضيحة أخرى، سد دروج لي كيهبطو للبحر، الدروج لي كانو سنوات كثيرة وكيهبطو منهم ناس لي ساكنين قراب للبحر.
مصادر محلية استنكرت هادشي وقالت :”تا ناضت الحيحة عاد سد كان عليه يدير اجراءات ويحط ومخازنية بلاصت مايشوه المنظر ديال الشاطئ”.
إضافة الى هادشي، هاد القايد وفق مصادر “كود” دار فلطة أخرى قبل من الطوارئ الصحية، مدارش اللازم ف حق شخص سد الطريق على مواطنين كيدوزو لديورهم، وتمت مراسلة العامل في هذا الصدد بشكاية كتوفر عليها “كود”.
