وكالات //

صدرات الشينوا، البارح الاثنين (30 غشت 2021) قانون جديد غادي يتطبق على مئات الملايين ديال الدراري اللي مبليين بالپلايستايشن، إكس بوكس وكَاع ألعاب الفيديو.

القانون الجديد ماغاديش يسمح للقاصرين (أقل من 18 عام) يلعبو إلا نهار الجمعة وفي الويكاند والعطل الرسمية.
‏
هاد القانون الصارم غادي يدخل حيز التنفيذ نهار الأربعاء، و اللي كتحاول من خلالو الشينوا تفراني شوية الإدمان على هاد الألعاب، واللي تسبب، حسب المختصين، في أمراض مجتمعية كثيرة وخربق حياة بزاف ديال الدراري و عائلاتهم، وأيضا خطورتها في إلهاء الشباب عن مسؤوليات أخرى بحال فالمدرسة وحتى الأسرة.