حركة “18 سبتمبر” فضحات تورط المخابرات الجزائرية ونظام تبون في المخططات الإرهابية لـ”الحزب الوطني الريفي” ضد المغرب
مصطفى المزابي – كود سطات //
هادي مدة طويلة والسكان ديال منطقة “العلوة”، وبالضبط ديال مدينة “بن حمد” في إقليم سطات كيعانيو في صمت مع واحد القايد ديال المقاطعة الثانية فالمدينة.
هاد القايد ولى منوض الرعب فالكبير والصغير وحاگر على البياعة والشراية وصيفط بزااف ديال الناس للحبس ظلما وعدواناً، وهادشي أكدو أكثر من مصدر ل”كَود”.
اليوم الثلاثاء استدعى قاضي التحقيق فمحكمة الاستئناف بسطات هاد القايد المتعجرف والحگار باش يحقق معه فقضية اعتداء على شاب ف2020، بحيث اقتاحم هاد القايد زردة نواحي “بن حمد” واخا كانو الناس اللي حاضرين محتارمين التدابير الإحترازية ضد فيروس كورونا وتعدى بالضرب والركل على شاب كان تما.
قاضي التحقيق فمحكمة الاستئناف بسطات سمع، وفق مصادر “گود”، للضحية تاهو فهاد الملف وحتى للشهود اللي كانو حضرو لديك الواقعة ديال الاعتداء.
بالصح خص عامل إقليم سطات، ابراهيم أبو زيد، يتدخل ويزعزع داك القايد حيت ما دايرش خدمتو ومتسبب فاحتقان كبير فالمدينة وبزاف ديال الناس مظلومين بسبابو وكاين اللي دوز الحبس گاع.