الرئيسية > تبركيك > قاضي التحقيق فبتدائية سطات أجل الجلسة ديال الأستاذ الجامعي والمحامي المزور ومعه مالين فضاء “ميكسيكو” فملف “الخيرية الاسلامي”
24/05/2022 15:00 تبركيك

قاضي التحقيق فبتدائية سطات أجل الجلسة ديال الأستاذ الجامعي والمحامي المزور ومعه مالين فضاء “ميكسيكو” فملف “الخيرية الاسلامي”

قاضي التحقيق فبتدائية سطات أجل الجلسة ديال الأستاذ الجامعي والمحامي المزور ومعه مالين فضاء “ميكسيكو” فملف “الخيرية الاسلامي”

سامي العلوي -گود //

قالت مصادر “گود” أن الجلسة لي كانت لبارح ديال المحامي والاستاذ الجامعي مول الفضايح ديال ماستر المعاملات الالكترونية، كانت مع قاضي التحقيق بالمحكمة الابتدائية ديال سطات وتأجلات حتى لشهر 6.

المصدر ذاته أكد ان الجلسة جاية ديال هاد المزور لي زور على عقد على واحد مدخلش للمغرب هاد اكثر من عشر سنين، غادي يديرو معه جلسة تحقيق جديدة نهار 06 يونيو .

الطامة الكبيرة في هاد الشي هي كيفاش قاضي التحقيق تابع هاد الاستاذ والمحامي المزور ومعه مالين الفضاء الشهير المعروف فسطات بسمية ميكسيكو، في حالة سراح، وسبق ليه تابع فقيه ديال جامع بجنحة عادية فحالة اعتقال كونما تدخل وكيل الملك وصحح الوضع وطلقو السيد .

وكانت تحقيقات الفرقة الوطنية للشرطة القضائية بالدار البيضاء توصلات لان هاد الأستاذ راه داخل في مافيا دولية ديال السطو على العقارات وغسيل الاموال.

ووضح التحقيق لي دارو قسم مكافحة الجريمة الاقتصادية والمالية بالشرطة القضائية أن الأستاذ الجامعي (ن. ن) شارك في عملية السطو على عقارين في ملك أجانب فرنسيين بسطات عن طريق عملية بيع صورية مقابل 200 مليون سنتيم وتزوير وثائق واستعمالها وانتحال صفة.

وكترجع تفاصيل القضية، حسب تحقيق الشرطة القضائية، إلى 1965/07/22، مني ناض واحد المواطن فرنسي كانت سميتو قيد حياته “غاديو أوغستان” حق الانتفاع من عائدات الأكرية لكافة المجموعة العقارية التي هي في ملكه ذات الرسم العقاري عدد: 2288/5 لفائدة الشركة الخيرية الإسلامية بسطات، وحسب عقد الانتفاع تمت المصادقة عليه بتاريخ: 1965/07/22، قبل ما يموت هاد أوغستان بتاريخ 1967/09/27.

وكشف التحقيق أن المسمى المحامي (ن. ن)، رغم علمه أن المسمى (خ. ح) لم يتردد على أرض الوطن منذ شهر دجنبر 2016، ناول للمسميين (أ. د) و(ع. ج) عقد البيع دون تضمين اسم وصفة هذا الأخير بها، وبعد المصادقة عليها ببلدية سطات، ناولهما للمحامي المذكور لمباشرة إجراءات انتقال الملكية بالمحافظة العقارية بسطات، وهو من قام بإيداعهما بهده المصلحة.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا