كود الرباط//

في الوقت الذي يبحث فيه قادة حزب الأصالة والمعاصرة عن صيغة توافقية من أجل تنظيم المؤتمر الوطني الرابع للحزب، كشفت مصادر قيادية تحدثت إلى “كود” عن وجود مفاوضات عسيرة مع حكيم بنشماش، الأمين العام الحالي، من أجل عزله بطريقة مشرفة بدون الدخول في حرب داخل المؤتمر.

ومنذ اللقاء الذي عقدته فاطمة الزهراء المنصوري، رئيسة المجلس الوطني للحزب، مع حكيم بنشماش الأمين العام الحالي، اتضح جليا، وفق مصادر “كود” أن مرحلة بنشماش انتهت بعد صدور الحكم الاستئنافي الذي قضى بشرعية اللجنة التحضيرية للمؤتمر الوطني الرابع المقبل، برئاسة سمير كودار.
ومن المنتظر، وفق مصادر قيادية من تيار المستقبل، أن يحضر قادة هذا التيار في اجتماع المكتب السياسي للحزب المرتقب عقده في الأيام المقبلة.

الصيغة اللي كيشوفوها صحاب تيار المستقبل مناسبة هي ان المؤتمر المقبل (مزال محددوش ليه وقت) خاص كولشي يحضر ليه، خصوصا وانه مؤتمر جاي ف سياق انتخابي بامتياز (2021 مبقا ليها والو)، يعني غايمشيو موحدين باش يساليو مع بنشماش ويديرو مرحلة جديدة ف البام. مرحلة كاينظر ليها احمد اخشيشن والحموتي والمنصوري، وكيروج ليها اعلاميا عبد اللطيف وهبي.
واش غادي ينجحو او لا؟ كولشي غايبا مع الايام المقبلة خصوصا في ظل ضبابية المشهد الحزبي.

معطى مهم غادي يحكم مجريات المؤتمر وغايحدد مصيرو هي التزكيات لي غاتعطا للمرشحين لي غايترحشو ف استحقاقات 2021، هنا حرب كبيرة غاتنوض حيث البام كان معروف عليه كيفاش كيدبر هادشي ديال التزكيات والفضايح لي دار فيها.