20/04/2024 03:00
60 طبيب جابوني غادي يدعيو “گوگل”.. تشكاو من التعليقات الخايبة وكيطالبو بتعويضات
أسماء غربي-كود//
المغني الكونگولي “كَيمز” حط البارح الجمعة أغنية جديدة مع المغني العالمي “مالوما” لي صورو الكليب في مراكش ملي كان الأخير عطلة في المغرب.
الأغنية سميتها “هيلو سينيوريتا – ماريا”، وتصورات في فندق مصنف في مراكش وفي السطوحة ديال سبعتو رجال، والمغنيين بجوج اعتامدو على لباس فيه اللمسة المغربية.
وفي 4 ديال الساعات الأغنية شافها تقريبا نص مليون واحد وغادي تشد الطوندوس المغرب بلا منازل.
وكان مالوما زار المغرب الشهر لي فات، وبقا كثر من سيمانة في مراكش، ومنها علن على جديدو مع المغنية العالمية مادونا.
