نجوى المالحي-كود

الرابور يوسف محيوت المشهور باسم “ولد الكرية” دار فيديو ميزوجين وعامر شعبوية كيطنز فيه زعما على الرابور “مسلم” لي كان وصف راسو ب”رجل المهمات الصعبة” بعدما ضربات ليه مراتو الطر وقالت انه خائن ومكيحترمهاش وانه على علاقة غرامية مع الممثلة امال صقر هادي 4 سنين.

ولد الگرية لي غنا “عاش الشعب” المثيرة للجدل علن على تضامنو مع طليقة مسلم وقال “مغاديش نشمتو في مسلم. ولكن غادي نضامن مع “بنت الشعب” لي صبرات على الخيانة.. الغدار ليه الله هو وخطافة رجال”، في اشارة بكل وقاحة لامال صقر، ومقالش غير هادشي بل نعتها بقدحية ب”الميمة” حيت زعما كبر من مسلم فالسن ووالدة، وقال ان الناس سحابلهم مسلم كان كيغني على مو (اغنية ماما) ساعيت هو كان كيغني على امال صقر (الميمة).

ان الواحد يجي ضد مسلم حيت خان مراتو حسب قولها، حق، ولكن باش يسب ويقذف فالممثلة امال صقر ويشيءها كيف دار، لا.