عفراء علوي محمدي- كود//
علنات مجموعة أوطيلات “Hyatt”، اليوم الخميس، على افتتاح لوطيل ديالها الثالث فالمغرب باسم “حياة ريجنسي تغازوت”، فالمنطقة السياحية بتغازوت.
الفندق هو عبارة على منتجع سياحي ضخم، فيه 190 شومبر، فيها 12 جناح من فئة ريجنسي، و6 من فئة الشرفة التنفيذية فيها 4 بلابيسينات الخصوصية، وجا فموقع زوين فتغازوت، قريب لجبال الأطلس الصغير وكيطل على منظر زوين للاكوت.
وكيتوفر لوطيل على جوج بيسينات كبار، وفيه قاعات للاجتماعات والمناسبات والعراسات، وفيه قاعة ديال الشطيح على مساحة 230 متر مربع، ومساحة كبيرة للقاءات والمهرجانات من 1000 متر مربع، كيف فيه مساحات كبيرة لممارسة رياضات مختلفة.
وعلى هذشي، قال باسكال ليبرو، المدير العام لفندق حياة ريجنسي تغازوت، انه فخور بافتتاح هذ لوطيل فهذ المنطقة، اللي وصفها بالكالم والمشمشة، و”وما علينا دابا غير نرحبو بالزبناء”، كيف قال.