عمـر المزيـن – الرباط//
البوليس ديال وجدة قرقبو على 250 مشرمل فانهار وواحد. هادشي اللي اكدت ولاية أمن العاصمة الشرقية وقالت أن هاد الموقوفين متورطين فقضايا جنائية وجنح مختلفة وفيهم 220 واحد ضبطوهوم البوليس متلبسين بمحاولة ارتكاب أفعال إجرامية. هاد الحصيلة لكبيرة فيها 30 واحد كان روشرشي.
ماشي غير هادشي العمليات البوليسية اللي دارتها المختلف ديال مصالح ولاية وجدة كانت وراء حجز 21 قرقوبي و3 كيلو ديال لحشيش و1351 قنينة ديال الشراب وحتى بواطات ديال السيلسيون اللي وصل العدد ديالها 490 أنبوب وزيد على ذلك جناوية من مختلف الأحجام وغيرها من الأمور المحظورة.
