وكالات-كود//

الفيلم السينمائي “جوكر” هو الأول في ايرادات السينما الميريكانية واخا الصداع لي ناض عليه والتحذيرات، حيت قالو أنه كيحرض على الفوضى والعنف. وفاول عرض سينمائي الفيلم حقق 93.5 مليون دولار.

قصة الفيلم لي البطل ديالها خواكين فينيكس وزازي بيتز وروبرت دينيرو وفرانسيس كونروري كتعاود شخصية راجل مضطرب تعرض للتنمر وصعوبات في حياتو، وغادي يولي من بعد عنيف وفرضوي، وهادشي خلا الشرطة تخاف من العنف ينتاشر بعد عرض اللفيلم.

والبوليس داير حالة وخايف لدرجة أن السينمات لي فيهم الفيلم واقفين فيهم البوليس هازين السلاح وما دخلو الناس حتى قلبو ليهم صيكانهم، والكلاب دارت عملية التفتيش.

وأكدات الشرطة أنهم ماعندهمش علم بتهديد ولكنها كتراقب ومتبعة الوضع.