الرئيسية > تبركيك > فيلمهم مابغاش يسالي.. محامي حسام حبيب: موكلي وشيرين عبد الوهاب تزوجو بعد الطلاق
25/05/2022 03:00 تبركيك

فيلمهم مابغاش يسالي.. محامي حسام حبيب: موكلي وشيرين عبد الوهاب تزوجو بعد الطلاق

فيلمهم مابغاش يسالي.. محامي حسام حبيب: موكلي وشيرين عبد الوهاب تزوجو بعد الطلاق

وكالات //

المحامي ديال الفنان حسام حبيب فجر مفاجأة وقال بأن الموكل ديالو رسميا هو مزوج بالفنانة المصرية شيرين عبد الوهاب وبأن الطلاق بيناتهم كان طلاق على “الإبراء” وصافي، وهذا علاش هو كيمشي عندها للدار، ولكن هي مؤخرا عيطات ليه للبوليس على أساس بحال إيلا مبرزطها وهاجم عليها فدارها.

نفس المحامي قال بللي “حسام كيمشي عند شيرين للدار لأنه ببساطة راجلها، ورجعها بحضور 4 ديال الشهود منهم مدير “روتانا”، ومديرة أعمالها سارة الطباخ، ومن هاداك النهار وهو مقيم فالفيلا ديالها فمنطقة الشيخ زايد” فالعاصمة المصرية القاهرة.

حسام حبيب دافع على راسو قدام البوليس، وقال: “شيرين مراتي ووقع بيناتنا صداع وتطور للسبان والمعيور، لكن هي مراتي وأنا فدارها لأنها مراتي، بالإضافة أنه بيناتنا خدمة وزايد أنه كاين أستوديو عند شيرين فالدار”.

فالمقابل، المكتب الإعلامي ديال الفنانة شيرين دار بلاغ وطلب فيه من الصحافة تدخل سوق راسها، و”ما تدخلش فالمشاكل اللي واقعة بين الفنانين”.

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر