كود كازا//

فهذ الأثناء، ولاية جهة كازا سطات منظمة اجتماع عاجل، من أجل تقييم الأضرار والخسائر اللي تسببات فيها التساقطات المطرية الأخيرة فكازا، واللي خلفات فيضانات، وتسببات فنهايار مباني وقطعات الطرقان.

هذ الاجتماع حضروه مسؤولين كبار فوزارة الداخلية، منهم والي جهة كازا سطات، والوالي الكاتب العام لوزارة الداخلية، والوالي مدير الجماعات المحلية، والعامل مدير مديرية الماء والتطهير، بالإضافة للقائد الجهوي للوقاية المدنية، وعمدة كازا، والمدير العام لشركة التطهير السائل “ليديك”.

وغيتم من خلال هذ الاجتماع تحديد المسؤوليات، وكذلك معرفة الأسباب ديال الفيضانات اللي وقعو، وشنو ممكن يدار كحلول لتجاوز هذ المشكل.