نجوى المالحي-كود//

لاعب المنتخب المغربي فيصل فجر دار ستوري البارح في انستكَرام زاد عورها مع لي متبعينو، وكتب فيها: “المتابعين ديالك ماشي ديما معجبين”.

البوسط كيبان فيه غزالة هربانة من سبع لي تابعها وناوي يشدها وياكلها.

بزاف اعتبرو أن فيصل عورها خصوصا بعد الروينة لي نوض في الكان ديال مصر فقضية عبد الرزاق حمد لله.

وواخا فيصل كان دار بوسط طويل من بعد شهر على الاقصائيات ديال الكان وقال أن ماعندو مشكل مع حتى واحد، ولكن الجمهور ماكينساش، ودابة غادي ينوضو ليه وينتاقدوه ثاني.