كريم الشركي-كود///

واحد الفيديو داير فالفايسبوك وتويتر، ديال جوج ممثلين جزائريين فرنسيين، ومؤثر مغربي، فيه اهانة للمغربيات والقاصرين المغاربة، نوض روينة وقضيتو وصلات للقضاء فمراكش.

الفيديو كيبان فيه الممثل ابراهيم بوهليل لي كيصور سلسلة لصالح كنال بلوس، ومدعومة من طرف اديداس وكيهضر على المغاربة، وكيفاش اس واحد يتلاقاه يضربو بلفلوس، قبل مايبانو فالفيديو ثلاثة دالقاصرين، وعيطلهوم الممثل المذكور والنغربي والجزائري لي معاه، وبداو كيضحكو عليهم وكيقول بوهليل ان هادو ولادو فاشارة قدحية لأمهاتهم، مع الكثير من الاهانة للمغاربة.

نادي المحامين فمراكش تحرك بعد تداول الفيديو لي تصور فمراكش، وقال المحامي مراد العوطي رئيس نادي المحامين بالمغرب، أن الوكيل العام فمراكش غادي يتوصل بشكاية بخصوص الفيديو، من أجل اتخاذ اللازم فحق هاد الفكاهيين.

العديد من النشطاء المغاربة، طلبوا بتدخل قناة كنال بلوس وتوضيح كيفاش كتدعم ممثلين كيهينو المرأة والطفل، كما طالبو اديداس بتوضيح دعمها لممثلين بحال بوهليل وواش كتوافق على هاد الاهانات لي دارتها للاطفال.

L'acteur franco-algerien Bouhlel Brahim (@brvhym – voix off), l’acteur Hedi Bouchenafa et le snapchatteur Zbarbooking humilient des enfants, profèrent des paroles dégradantes et véhicules des clichés salaces au Maroc.
Nous attendons des autorités une réaction exemplaire. pic.twitter.com/wLCoXsBvnP

— Moorish Movement ۞ (@MoorishMovement) April 3, 2021