كود اشبيلية ///

في حوارو مع “كود” قال ياسين بونو حارس الاسود ونادي “اف سي اشبيلية” الاسباني انو كان عزيز عليه الكابتن ماجد. كان كيتبعو. سولاتو كود واش كان “رعد” ولا “وليد”٬ رد بونو “كنت كنحس براسي وليد. كنلعب وكنحبس”.

هاد الشي كان كيحس بيه باش كان فالوداد. فحوارو مع “كود” كشف بونو علاش ولى حارس “حتى باش بديت مع الوداد كنت كنحبس وكنلعب. وكان واحد المدرب فالوداد اسمو كنز الدين وكنسلم عليه٬ قال لي دير حارس” واش ختارو على الطولة؟ “كنت باقي صغير بلا طولة ولا والو” يرد بونو على سؤال ل”كود”. 

بونو كشف ان والديه ما كانوش كوايرية “والدي ما كانوش كوايرية. الوالد ما كانش عندو مع الكورة والوالدة حتى هي” وباللي بحالو بحال كثار تبلى بالكورة فالدرب “تبليت بالكورة فكازا فالدرب ومع الدراري” يوضح بونو

بونو قال ل”كود” ان خوالو “كانو “رجاويين بزاف كانو كوايرين بزاف” وباللي هو اختار الوداد”.