كود : يونس أفطيط

تداول نشطاء الانترنت فيديو يظهر عمال نظافة تابعين للنقل السككي باليابان وهم يقومون بتنظيف قطار فائق السرعة “تي جي في” خلال سبعة دقائق.

هاد العمال يلا جاو للقطارات ديالنا غادي تشدهوم السخفة حقاش 7 دقائق ماغادي تكفيهوم حتى للباب ديال التران واخا يتجمعوا عليها كاملين، ناهيك عن المراحيض لي رجعات مزابل في كل القطارات.

هادشي ماشي غير مشكل ديال المكتب الوطني للنقل السككي، راه حتى المواطنين كيتحملوا نصيب من هاد العفن لي كتعيشوا القطارات المغربية، ولكن المكتب هو لي عندوا النصيب الاكبر من هاد المصيبة ولي كتسيء للمغرب أمام السياح الاجانب لي كيركبو وملي كينزلو من التران كيمشيو ديريكت للحمام يدوشو.