اللي غادي لفرانسا لخميس وماشي لشي غراض مهم يؤجل رحلتو الجوية حتى الجمعة وها علاش
احمد الطيب الرباط ///
قال فوزي لقجع رئيس نادي النهضة البركانية المستقيل ل”كود” ان استقالته من رئاسة هاد النادي تدخل فاطار تجديد النخب الرياضية وفاطار عدم التعارض مع القوانين الجاري بها العمل فبلادنا.
لقجع اللي كيرأس الجامعة الملكية لكرة القدم٬ اوضح ل”كود” ان قضية تجديد النخب ما كتهمش غير ناس السياسة بل كاع القطاعات ومن بينها القطاع الرياضي مستغربا ان يظل رؤساء اندية لسنوات طويلة فمناصبهم.
لقجع اضاف ل”كود” انه سبق ان عاهد النادي على التنحي بعد بلوغ الاهداف المسطرة وهي نخلي ليهم نادي قوي اداريا ورياضيا وسليم ماليا.
لقجع اشاد بحكيم بنعبد الله الرئيس الجديد للنادي اللي اسفر عليه الجمع العام الاستثنائي امس الاربعاء٬ وقال ل”كود” “نزيه وباسيوني بالكورة وقاري” وتوقع له مستقبلا كبيرا فالتسيير الرياضي بالمغرب “غادي يكون عندو شأن والرياضة المغربية غادية تربح رئيس كبير”.
لقجع طبعا غادي يبقى عضو فالنادي ويخدمو ويدعمو. ودابا غادي يركز خدمتو على الصعيد الدولي من خلال منصبه كنائب لرئيس الاتحاد الافريقي لكرة القدم ومن خلال مسؤولياته فهاد الاتحاد وقبل هاد الشي اشرافو على رئاسة جامعة كرة القدم.