كود الداخلة //

علمت “كَود” أن المبلغ اللي غايصرفو مجلس جهة الداخلة واصل لمليار ونص لعقد دورة مجلس الجهة بالكَركَرات بداية شهر مارس الجاي.

مصادر محلية قالت  بللي ممون مشهور هو اللي خدا الصفقة، مستغلا المسافة لي كتربط الكَركَرات بمدينة الداخلة، و وخا انعقاد الدورة عندها طابع وطني رمزي للمغاربة لكن يبدو أنها غاتكون مكلفة بزاف خصوصا فهاد ظروف الجائحة.

وعلى شاكلة “جلسات وناسة” سيعقد المجلس الجهوي دورته العادية بالكَراكَرات وبجدول أعمال شتت فيه المجلس الملايير على أمور ثانوية ماكتقدم تا شي حاجة ذات فائدة ملموسة لساكنة الجهة.

الدورة غاتكون فلكورية وبحال هاد شي ما كيخدم القضية الوطنية، و خصوصا، فنفس الوقت، كانت وزارة الداخلية وجهت مذكرة لترشيد النفقات، بسبب الاحتقان الاجتماعي غير المسبوق بالنظر لتدعيات كورونا التي أثرت على جل الأنشطة الاقتصادية.