وكالات //

كشف تقرير ديال المنظمة الدولية “أوكسفام” (Oxfam) أن المليارديرات الكبار (أغنى 10 أشخاص فالعالم) تزادت الثروة ديالهم بالضوبل فزمان جايحة كورونا.

هاد المنظمة غير الحكومية قالت أن جيف بيزوس وإيلون ماسك وبيل كَيتس تزادو فلوسهم بـ799 مليار دولار ووصلو لـ1,5 تريليون دولار.

إيلون ماسك بوحدو تزادت لافورتين ديالو بـ1000 فالمية، في حين أن بيل كَيتس تزادت بـ30 فالمية.

وطلبات “أوكسفام” باش يتم فرض الضريبة بنسبة 99 فالمية غير مرة وحدة على بحال هاد المليارديرات ودوك الفلوس يستخدموهم فتمويل إنتاج الڤاكسان ضد فيروس كورونا للدول اللي مخصوصة وكتعاني من أجل تلقيح مواطنيها.