كانيي ويست شدوه البوليس بسباب مراتو.. ضرب واحد حاول يتحرش بسينسوري فأوطيل
كود مصطفى الشاذلي ///
فضيحة كبيرة وقعات البارح. عصبة الشمال فكورة القدم اللي هواها وقلبها مع الياس العماري الامين العام السابق للبام ورئيس الجهة الحالي٬ هاد لفضيحة دارت بعد ما سمعو للاعلام يدير حوارات مع قاصر عمرو 12 عام. عماد هو الطفل اللي دخل شاد فيد ميسي فماتش البارصا واشبيلية ف”سوبر كوب” فطنجة الاحد الماضي بملعب طنجة.
من غير هاد الجانب الاخلاقي ديال دير حوار مع طفل يالله مات بوه. لفضيحة الاخرى هو تستغلو بشكل وضيع جدا كيف دار وتقول ليه اش يقول وتبين للمشاهد باللي كيتكلم من قلبو. الطفل المصدوم بوفاة والدو ثم السعيد بدخولو مع ميسي. وهي مبادرة مزيانة بزاف٬ كلشي خسر باش گالو ليه قول “انا ماشي ولد اخنوش”. اش نا هي المناسبة؟ والو. اللي بان هو مالين العصبة واللي دارو معاه بغاو يصفيو حسابات الكبار اي حسابات الياس العماري اللي كيصفيها مع عزيز اخنوش رئيس التجمع الوطني للاحرار ووزير الفلاحة والصيد البحري.
هادي حسابات لكبار خاص يكون اللي تخبى وراه يكون راجل ويخرج مباشرة. علاش استغلال طفل بريء يالله فقد باه المسكين نهار 6 غشت. الاب كان مواطن بسيط خدام فطاكسي. مبادرة نبيلة تحولت الى تصفية حقيرة استغل فيها طفل