عبد الواحد ماهر – كود ///
هل سيستهلك المغاربة اخيرا لحوم الجواميس بنكهة برازيلية ؟
تناقل رواد مواقع التواصل الاجتماعي في المغرب صورا عديدة لأبقار عجفاء ، بعضها مستورد من بلاد الصامبا في إطار شحنة استقبلها نهاية الاسبوع الماضي ميناء الجرف الاصفر مخصصة لتزويد السوق الوطنية باللحوم الحمراء في زمن الخصاص.
تم إرفاق صور الابقار مع تدوينات لا تخلو من تشكيك واضح في سلامة القطعان المستورة .
الشدان مشى حتى شي وحدين اتهمو البرازيل انتاقمات منا بعد ما ربحناها فماتش طنجة ورسلات لينا الگاموس الضعيف عوض عجولا سمان.
وحار الناس بين بلاغ «لاماب» وتطمينات الحكومة و ما يتم تداوله من صور لأبقار مترهلة شبهها البعض بـ«العمة أولبرايت »الوزيرة السابقة للخارجية الامريكية .
لمغاربة تساءلو .. واش بصاح استوردنا الگاموس من البرازيل عوض العجول ؟ حتى الاغاني على الگاموس راج مزيان هاد ليام خاصة موال مصري “گاموسة راحت تآبل گاموسة”
طبعا كان التشكيك فالسلامة الصحية لهذه الابقار المستورة وكأن الأمر يتعلق بشحنة سرية من «الكوطربوند »
ف”كود” سولنا شركة ولد زروال “تسمين دكالة” على هاد الشي. نقلنا ليها شكوك لمغاربة. واش بگر صحيح وصالح للاكل.
مسؤول من الشركة ديال ولد زروال اللي اسمو بقى لاصق فالمسيرة الشهيرة فكازا ضد بنكيران٬ وقال ل”كود” باللي “هادي “محاولة فاشلة” لخصوم سياسين معروفين باقليم الجديدة لضرب مصداقية الشركة المستودة (تسمين دكالة ). عبد الفتاح ولد زروال مول هاد الشركة عندو مجزرة فسيد اسماعيل وقال باللي كلشي عندو مراقب من قبل “اونسا”
ولكن علاش هاد البگر ضعيف؟ مصدر “كود” قال باللي الشحنة المكونة من 2800 رأس دوزات شهرين فالباطو وطبيعي تكون ضعافت. واضاف باللي السلطات والمكتب الوطني للسلامة الصحية للمنتجات الغذائية (أونسا) ما يمكنش يسمحو بدخول أبقار من شأنها تضر الصحة العامة
واوضح المصدر ل”كود” على أن الابقار المستودة تتواجد حاليا في في كوريات وكتاكل باش تسمن وفق جميع الاجراءات الصحية ، كما سبق أن خضعت لمراقبة مشددة عند الاستيراد من طرف أونسا ، شملت الوثائق المرفقة بهذه الحيوانات المستوردة، بما فيها الأوراق الثبوتية لها والشواهد الصحية والتحليلات المخبرية التي تجرى في بلد المصدر، وفحص الوثائق المتعلقة بالشحن.
