الرئيسية > آش واقع > فضيحة كبيرة هذي. المستشفى الجهوي فطنجة مشلول بسبب إصابة موظفيه.. وخدماتو توقفات باستثناء ليرجونس
29/06/2020 22:00 آش واقع

فضيحة كبيرة هذي. المستشفى الجهوي فطنجة مشلول بسبب إصابة موظفيه.. وخدماتو توقفات باستثناء ليرجونس

فضيحة كبيرة هذي. المستشفى الجهوي فطنجة مشلول بسبب إصابة موظفيه.. وخدماتو توقفات باستثناء ليرجونس

عفراء علوي محمدي- كود//

علن مدير المستشفى الجهوي محمد الخامس بطنجة على تعليق الخدمات اللي كيقدمها السبيطار، باستثناء خدمات ليرجونس، بسبب ظهور حالات للإصابة بفيروس كورونا المستجد فالاطر الصحية.

وقال المدير، فالإعلان، اليوم الاثنين، أن “الانشطة الطبية والجراحية غير العاجلة توقفات مؤقتا، وماغاتستأنف حتى لإشعار آخر، وهذشي حفاظا على سلامة العمال والمرتفقين”.

وحسب ما كانت تداولات مصادر محلية، تصابو 9 ديال الناس فالسبيطار، وكيتعلق الأمر ب5 اطباء سبيسياليست، و4 ممرضين، اللي خرجات نتائجهم إيجابية، اليوم فالصباح.

ومع شل خدمات السبيطار اليوم، المديرية الجهوية دالصحة خاصها تلقى حل للمواطنين اللي كيقصدو السبيطار طلبا فالعلاج من أمراض كتتفاوت خطورتها، واللي غتولي صحتهم وحياتهم مهددة بسباب هذ القرار.

موضوعات أخرى

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه