كود طنجة//

روينة فالانتخابات بمدينة طنجة، حزب الاستقلال لقا راسو وسط فضيحة جديدة، بحيث سرب أنصار الاتحاد الدستوري لي كا يقودو البرلماني الشبح الزموري، تسجيل مكالمة هاتفية فيها مفاوضات حول شراء الأصوات.

https://fb.watch/7RZ_FJPe1e/

مصادر كود قالت بأن التسجيل صحيح وأن المعني بالأمر مرشح مع حزب الاستقلال فاكزناية لي كانت قلعة ديال الإدريسي قبل ما تعزلو الداخلية.

مصادر كود قالت أن هاد الفيديو لي فيه التسجيل الصوتي ورط الأمين العام لحزب الاستقلال نزار بركة لي كان عوال يجيب من طنجة مقعد برلماني، ولكن بهاد الشوهة لي داروليه حزب الاتحاد الدستوري طيحت من الصورة ديال الميزان.