كود كازا ////

طرح فريق الوداد الرياضي التذاكر ديال الماتش المهم ديالو للعبو البارح أمام فريق صن داونز، للبيع وخا عارف أن التذاكر لا تحمل اي كود بار، ولا رقم تسلسلي، يشير إلى رقم التذكرة، وهذا إجراء مخالف للقانون، وكيخلي بزاف ديال الشكوك حول الغرض من خلال هاد العملية.

واستغل مسؤولي الوداد الحضور الجماهير الكبير باش ابيعو عدد كبير من التذاكر خصوصا أن المباراة كانت مهمة ولكن الخطير أنهم محتارموش القانون، خصوصا أن أي تذكرة كيفما كانت كتكون كتحمل رقم تسلسلي أو كود بار، كيشير إلى الرقم ديالها.

وحتى واحد ميقدر اعرف عدد التذاكر لطبعها فريق الوداد في الماتش لأن مكين حتى إشارة إلى رقم التذكرة، وهذا كيعني أن اقدر تكون تذاكر طرحات للبيع مباشرة في السوق السوداء بلا حسيب وبلا رقيب، مادامت أن جميع التذاكر غير مرقمة.

ويحتمل أن يكون الوداد طبع كثر من عدد التذاكر لعلن أنه غادي طبعهم، وحتى واحد ميقدر اتأكد من أن الوداد حتارمو عدد التذاكر لبغاو اطبعو، وهادشي كيضرب المصداقية ديال سعيد الناصيري، خصوصا أنه، رئيس العصبة الاحترافية، لكتسهر باش تكون الممارسة الكروية ديالنا احترافية.