الرئيسية > تبركيك > فضيحة جديدة فجامعة الحسن الاول بسطات بطلها الرئيس بالنيابة جمال الزاهي لي دار اعلان كامل أخطاء
15/05/2022 07:00 تبركيك

فضيحة جديدة فجامعة الحسن الاول بسطات بطلها الرئيس بالنيابة جمال الزاهي لي دار اعلان كامل أخطاء

فضيحة جديدة فجامعة الحسن الاول بسطات بطلها الرئيس بالنيابة جمال الزاهي لي دار اعلان كامل أخطاء

سامي العلوي- گود سطات//

نهار لي تكلاسا جمال الزاهي عميد كلية الاقتصاد والتدبير، ورئيس جامعة الحسن الأول بسطات بالنيابة، تعين في البوسط ديال عميد كلشي داخ مفهموش كيفاش جا هو لول وهو معمرو حط رجلو في شي وظيفة، بحال تجربة العبدوني ولخيار، ولكن بان انو تعين لحسابات قبلية لا غير.

ولكن اليوم “گود” كتساءل اشناهي المعايير بي اعتمدها عبد اللطيف الميراوي وزير التعليم العالي والبحث العلمي والابتكار مني طير خديجة الصافي الرئيسة السابقة وعوضها بجمال الزاهي ولد مدينتها تازة، واخا ماشي هو الاكبر سنا في رؤساء المؤسسات لي تابعين للجامعة، حيت راه بدات المصايب ديال هاد الزاهي لي مكيقدرش يجلس في كرسيه داخل الرئاسة حيت ضعيف .

الفضيحة لي افتتح بها هاد الرئيس بالنيابة دار اعلان كلو اخطاء، والاعلان تسرب لبارح وكيتسارى في الواتساب عند الناس، واطالعات عليه “گود” وجات باش تصححو ليه هنا في هاد المقال ،على مستوى الشكل كاين واحد الفقرة تتقول “يعلن الرئيس بالنيابة لجامعة الحسن الأول بسطات عن فتح باب الترشيح لعضوية اللجنة المكلفة بدراسة الترشيحات ومشاريع التطوير بجامعة الحسن الأول بسطات” والتصحيح ديال هادي هي “يعلن رئيس جامعة الحسن الأول بسطات بالنيابة عن فتح باب الترشيح بعضوية اللجنة التي ستتكلف بدراسة… حتى لاخر ديال الجملة”.

الزلگة اللغوية لوخرى هي انو كتب في الإعلان “يجب ان تتوفر في السادة الأساتذة شرطين اساسيين” وراه الصحيحة السي الزاهي هي “شرطان أساسيان” لانه الى قلنا “تتوفر كنقولو بعدها شروط” والى كنتي اصلا كتهضر على شروط أساسية فيناهي الشروط لوخرى لي خص الناس تتبارى عليها.

وكيقول عود ثاني المترشحين لي خص تتقال المرشحين وزيد ترشيحه وترشحه.
الخلاصة غادي نحبسو هنا حيت ذاك الشي كيگهم الصراحة وخصنا نعرفو كيفاش دار هاد السيد في هاد البوسط ؟

موضوعات أخرى

28/03/2024 14:00

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد