كود الرباط ////

علمت “كود” ان رئيس قسم الامن بوزارة الخارجية والتعاون طار من بلاصتو بسباب قضية التحرش اللي متاهماه فيها ارملة ديبلوماسي. حسب مصدر “كود” فان قضية التحرش ما عندها علاقة بالخارجية حقاش كتهم جمعية الاعمال الاجتماعي اللي عندها قانون خاص بيها والرئيس كيتم انتخابو. واضاف مصدر “كود” انه بعد توصل الخارجية بشكاية من السيدة تتهم فيها هاد المسؤول بالتحرش فتحت تحقيقا داخليا وحيدوه من المسؤولية حتى يسالي هاد التحقيق.

دابا مع القضية وصلات للمحكمة بعد شكاية تقدمت بها السيدة وفق ما نشرت “الصباح” اليوم الجمعة٬ فالخارجية غادية تسنى حتى القضاء اش غادي يقول عاد تشوف اش غاديين يديرو مع هاد الموظف