اسماء غربي – كود//
في اخر خرجة اعلامية للمغني ديال الشعبي عادل الميلودي، بين على مستوى هابط وعلى عقلية ميزوجينة وقروسطية.
فاش سولوه واش كيضرب مرتو، عادل الميلودي جاوب بكل وقاحة: ” اه كنضرب مرتي، وراها لمرا، نضربها ونفخ ليها عينيها ونزرگ ليها رجليها، مهم انا غنضربها، راه مرتي هاديك، وماشغل حتى واحد فيا! انا واحد النهار البوليس درت فيهم قدامها، قتلهم هادي مرتي ماشي شغلكم فيا، بغيت نقتلها نقتلها، وحتى نقتلها وديوني للحبس… “.
وفاش سولاتو الصحافية على مراتو وواش كتقبل هاد الوضع ومكتقلقش منو، جاوبها الميلودي بنفس الوقاحة: علاش غادي تقلق مني؟ حنا كندابزو، وداكشي راه عادي!”.