كود الرباط //
فضيحة وصافي.. ياسين الراضي رئيس المجلس البلدي لسيدي سليمان تخالطو ليه العناوين، فاش رفع دعوى قضائية ف المحكمة التجارية ضد شريكو فريسطو بار، بعنوان المجلس البلدي بسيدي سليمان.
وحسب الوثيقة لي توفرت عليها “گود”، الراضي بصفتو شريك فشركة Alicia restaurant رفع دعوى ضد شريكو بسبب مشاكل بيناتهم فالمحكمة التجارية، ولكن الغريب هو ان الراضي دار عنوان المجلس البلدي بسيدي سليمان.
طبعا ميمكنش يكون المجلس عنوانو، وهذا خطأ وقع فيه، حيث المجلس ماشي شريك فهاد الشركة. حسب مصدر “گود”.
الفضيحة هو ان الراضي مبغاش يدير عنوانو الحقيقي لي هو حي السويسي فالرباط، ساكن فالسويسي وكيسير مجلس جماعة سيدي سليمان.
الراضي كذلك برلماني، على هاد الحساب ممكن يدير البرلمان مقر عنوانه.
مشاكل الطرفين مشات القضاء، وتحددات اول جلسة نهار 8 غشت الجاري.