الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا
كود – هند لكلاوي ///
فضيحة اخرى من فضايح الخارجية فتدبير عودة لمغاربة اللي حصلو برا. دخلو من لمغاربة اللي جاو من بروكسيل ولد الممثل محمد الخياري. باه هو اللي كتبها فصفحتو على الفايس. دابا واش كاع الاباء يمكن ليهم يعانقو ولادهم ولا بناتهم بحال هاد الممثل ولا غير حقاش بقى يتاصل يسول ويطلب ويرغب دارو اسم ولدو.
هادي فضيحة كبيرة. حقاش الخارجية براسها كذبات على لمغاربة وقالت ليهم اللي غادي يدخل هو الناس لكبار والاطفال. كاينين حالات عندهم بعض الامراض وما كاينينش فاللائحة.
هاد لفضيحة تزاد على فضيحة اسطمبول اللي اتهمو فيها مغاربة الخارجية باضافة اسماء وحذف اخرى. تسجيلات كتهدر على جابو وحدين عندهم الاقامة. الخارجية متهمة دابا فقضية الخياري.
كاع اللي كيعرف هاد الممثل كيعرف باللي ايلى كان غير عمل فني او اشهار كيتاصل بكاع المدراء باش يخدموه فما بالك باش يطلب على ولدو.