كود كازا ////

علمت “كود” ان عملية الايادي البيضاء اللي شرف عليها مباشرة المدير العام للامن الوطني عبد اللطيف الحموشي بدات تعطي نتائج اخرى. النتائج ماشي غير يزيرو ريسطوات لملايرية ولا هادوك الريسطورات اللي كاينين فعين الذباب فكازا يحتارمو القانون ويحتارمو حالة الطوارئ الصحية٬ بل وقف هاد السيبة لكبيرة اللي عايشها عالم الليل فكازا.

“كود” كانت هدرات على تسوماني كبير غادي يضرب ولاية الامن فكازا٬ وفق مصدر مأذون٬ وهاد الشي جاي. يعني غاديين يطبقو القانون ماشي غير مع مالين المطاعم المخالفين ليه بل حتى هادوك اللي كيحميوهم فاي ادارة ترابية.

وفق مصدر “كود” فانه يتوقع الكشف على شبكة كتحرك فعين الذياب على راسها سياسي وولد سياسي مشهور فالتسعينات. هادو كيهلكو صحة لمغاربة بكل ما هو فاسد. عواقبو خطيرة بزاف على الصحة.

تفاصيل توافيكم بها “كود” لاحقا عن المتورطين وجرائمهم.