الرئيسية > آش واقع > فضايح شركة الزبل اوزون فسلا..العمدة: غانديرو الإجراءات القانونية لحماية حقوق الساكنة بسبب عدم وفاء الشركة بالالتزامات ديالها وخلات الزبل مشتت
03/07/2022 17:30 آش واقع

فضايح شركة الزبل اوزون فسلا..العمدة: غانديرو الإجراءات القانونية لحماية حقوق الساكنة بسبب عدم وفاء الشركة بالالتزامات ديالها وخلات الزبل مشتت

فضايح شركة الزبل اوزون فسلا..العمدة: غانديرو الإجراءات القانونية لحماية حقوق الساكنة بسبب عدم وفاء الشركة بالالتزامات ديالها وخلات الزبل مشتت

هشام اعناجي – كود الرباط //

فضايح شركة النظافة اوزون، مزال مستمرة، بحيث كشفت وثيقة رسمية صادرة عن جماعة سلا وقعها العمدة  عمر السنتيسي، أن الشركة موفاتش بوعودها قبل 30 يونيو 2022 تاريخ نهاية العقد مع جماعة سلا بخصوص تدبير النفايات في مقاطعة تابريكت ومقاطعة العيايدة.

وقالت الوثيقة التي حصلت عليها “كود” أن الشركة لم تفي بالتزاماتها، تأكيدا لما نشرته “كود” حيث فرضت الجماعة غرامات مالية تفوق 200 الف درهم على الشركة بسبب تركها لمدينة سلا وسط الازبال.
وكشف الوثيقة أن جماعة سلا وعدت الساكنة بحل مشاكل تراكم الأنبار على مستوى نقط التجميع.

وأكدت الوثيقة أن الجماعة تتجه نحو القضاء عبر اتخاذ جميع الوسائل القانونية لحماية حقوق الساكنة والجماعة.
ووعدت الجماعة بتسريع مساطى ولوج الشركة الجديدة المعهود لها بتدبير قطاعي النظافة داخل المقاطعتين في إطار العقدة الجديدة ومواكبتها لحل هذا الملف بشكل نهائي.

وكشف عمدة سلا، عمر السنتيتي، في اتصال مع “كود”، عن تسجيل غرامات تفوق 200 ألف درهم ضد شركة “أوزون” بسبب تراخيها في جمع الأزبال خلال شهر يونيو، وذلك قبل ماتسالي الشركة الكونطرا ديالها نهار 30 يونيو.

وقال السنتيسي لـ”كود” :”مور فاش درنا ابيل دوفر وجات شركة جديدة خدات المارشي ديال جمع الازبال بلاصت شركة اوزون لي مخداتش المارشي هاد المرة، وقع تراخي كبير فجمع الازبال، وصل لدرجة اننا نتدخلو عبر لجن المراقبة ونجيبو مفوضين قضائين لمعاينة الازبال المنتشرة فجوج مقاطعات (تابريكت والعيايدة)”.

هاد التراكم الكبير ديال الازبال تزامن مع قرب عيد الاضحى، وهادشي خلال مجلس جماعة سلا يتدخل بصرامة ويطبق الغرامات المالية على شركة اوزين.

وحسب ذات المصدر، فإن الشركة وصلت لدرجة انها تخوي الحاويات ديال الزبل وتهزها وتخلي الزبل فالشارع، مضيفا :”بلي دبا المشكل تطوا فهاد يومين، بحيث تظافرنا الجهود باش الشركة الجديدة تمكن من العمل بوسائلها وفظروف مزيانة”.

وعن سبب رفض الشركة جمع الازبال، قال المتحدث :”الكونطرا مع اوزون كتسالي فـ30 يونيو، وباش تكون مرحلة انتقالية من شركة لشركة جديدة كاندير ملحق عقد فيه من 3 اشهر تال 6 اشهر، لكن اوزون رفضت دير معانا الملحق للاسف”.

موضوعات أخرى

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر