ملف الطبيب التازي : مرافعة الوكيل العام تقول ان جناية الاتجار بالبشر كينا
كود عين السبع ///
نايضة فدوزيم هاد ليام. مشاكل ومشاكل ومشاكل. صحافيين وصحافيات طلبو الزيادة هادي مدة وما تسوق ليهم لا المدير الجديد للاخبار لا المدير العام لا النقابة. كلشي كينش علي راسو وصافي
من فضايح القناة هو مصور خرج تقاعد وناض حميد ساعدني ضارب عليه وطلع ونزل باش يديرو معاه كونطرا ب15 الف درهم مع وعد يزيدو 5 الاف درهم. حسب ناس دوزيم ل”كود” فخو المصور اللي كاين فباريس دبر لبنت مسؤول فالقناة على بورس باش تقرى.
كاين مصور اخر كان عندو الزهر كثر. خدا صالير 25 الف درهم باش يمشي لمكتب بني ملال وهادا حتى مصوري القناة فالرباط وعين السبع ما عندهمش هاد الصالير.
كاينة خبارات كثيرة على فضايح عندها علاقة بحولي العيد بالدفاع عن مصالح بعض رؤساء التحرير. غير بعضهم
المثير ان هاد الكرم الحاتمي للادارة مع عينة كيقابلو رفض مطلق للادارة لتسوية الوضعية المادية بعض الصحافيين والصحافيات اللي ما خداوش الزيادة من فترة طويلة