ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات
كود هناء ابو علي ///
فضيحة دارها المركز السينمائي المغربي باش خرج البارح السبت 11 يونيو 2022 باش خرج بيان كيقول فيه باللي غادي يمنع عرض فيلم “سيدة الجنة” اللي كتبو ياسر الحبيب وخرجو ايلي كينگ تجاريا وثقافيا. منع فزمن الانترنيت هو منع غبي طبعا. لكن الاغبى واللي مغلف بالشعبوية… هو ان هاد الفيلم ما تقدمش لحد الان باي طلب ترخيص للتوزيع فالمغرب. هاد الشي كشف عليه السينمائي عبد الاله لجواهري فتدوينة علي صفحتو على الفايسبوك.
قال السينمائي باللي ما تقدم حد بشي طلب ترخيص باش يترفض طلبو وباللي٬ حسب اعتقادو٬ ما كاينة حتى شي شركة مغربية عبرات على رغبتها فتوزيعو او شي مهرجان بغى يبرمجو. المخرج اعتابر بيان المركز السينمائي “مجرد جعجعة دون طحين تدخل في صميم المزايدة ومحاولة تصريف مواقف لا معنى لها البتة، مواقف تسيء لبلدنا أكثر مما تخدمه”. واكد باللي فيه اساءة لبلادنا” كما اكد ان المنع غادي غير يضاعف مشاهداتو
الممثل محمد الشوبي كتب على قرار منع “سيدة الجنة” عبارة “Quelle honte” وزاد “فيلم يمنع في مغرب الثقافات والانفتاح على الآخر” وتساءل “هل لازالت سطوة الكهنة تتحكم في الفن ؟؟؟”
طبعا حنا ما غاديينش نشوفو الفيلم ولكن قرار دول عربية واسلامية سنية المذهب خلات هاد “سيدة الجنة” يحضى باقبال كبير بزاف فدول غربية. منتج الفيلم المنفذ مالك شليبق خرج فحوار كيشكر هادو صحاب المنع. وقال “كاينين وحدين خاصهم يتسناو 3 ايام باش يقدرو يدخلو للسينما يشوفوه”. واضاف “هاد الشي عاون الفيلم بزاف. ناس كثار ما كانش فخبارهم الفيلم قبل ما دار هاد الضحة وتوقع احتجاجات قدام قاعات سينمائية فبريطانيا