كود كازا ////
اللي وقع فمجلس النواب فات قصوحية لوجه لهيه. شفيق برلماني البام اللي جابو الحموتي رجل الحزب القوي قوتو جابها من الياس العماري حقاش ريفي بحالو٬ دار تدخل كيهدر فيه على السطو على الاملاك المخزنية ولكلام لكبير. هاد الشي مزيان يثار فمجلس النواب٬ ولكن شكون هاد شفيق المكروه من قبل حزبو اللي كيهدر على هاد الشي؟ بعض هاد الجواب نلقاوه فتدوينة البرلمانية الاتحادية حنان رحاب اللي كتبت “حدث اليوم ، واحد من اكبر ” شناقة” البراريك يلقن دروسا في محاربة السكن الصفيحي”.
ثم اكدت نجوى كوكوس رئيسة شبيبة حزب التراكتور كلامها بتعليق “اقصح وجه”.
شفيق معروف فكازا. كائن انتخابي دار لفلوس بحال شي وحدين بحالو فالحزب ضواحي الدار البيضاء بهاد الشي ديال العقار بالبناء العشوائي ووصل البرلمان وولى كيعطي الدروس.
البارح بين على طبيعتو باش ضرب صاحبو بنجلون اللي معاه فالحزب ماشي معارض. ضحكو عليه حقاش عايقين بيه
