كود الرباط//

عاينت “كود” صباح اليوم، ازدحام غير مسبوق أمام أكبر مركز صحي دشنه الملك محمد السادس قبل سنة، بحي اليوسفية وسط العاصمة.

وحسب مصادر “كود” فإن الازدحام كاين حيث المستشفيات عامرين بالمصابين بكورونا.

مصادر داخل المركز قالت بلي تبدلات هاد المؤسسة الصحية ومبقاتش كيف كانت فاش تفتحات، وناس ولات كتشكا من غياب الخدمات الطبية.

هادشي وقفات عليه “كود”، حسب شهادة شخص يقطن بحي التقدم، العيد الكبير فاش تجرح مشا للمركز باش يخيط وهوما يقولو ليه سير للسويسي، رغم ان هاد المركز الكبير فيه تخصصات كثيرة ضمنها المستعجلات والجراحة الاستعجالية.

يشار إلى أن الملك محمد السادس كان أشرف قبل سنة، بحي اليوسفية بالرباط على تدشين مركز صحي للقرب تابع لمؤسسة محمد الخامس للتضامن، تم انجازه باستثمار إجمالي قدره ثلاثة وستين مليون درهم.

آنذاك، نادية بلغازي، مسؤولة القطب الانساني والطبي بمؤسسة محمد الخامس للتضامن،كانت صرحت بلي هاد المركز الطبي للقرب يضم عدة خدمات صحية منها مستعجلات القرب وصحة الأم والطفل والتوليد، الفحوصات الخارجية بجميع تخصصاتها، والفحص بالاشعاع والصدى، ووحدة للترويض الطبي وبلي فيه مركب جراحي و مستعجلات جراحية.

في الواقع الناس كتشكا وكتقول بلي ملي كيجيو مكيلقاوش الاطباء. ومكايلقاوش هاد الخدمات لي هضرو عليها المسؤولين.