نظام العسكر استاغل جلسة ديال مجلس الأمن باش يهاجم المغرب واتاهمنا بإغراق المنطقة بالمخدرات
عفراء علوي محمدي- كود//
اتهمات كونفدرالية نقابات صيادلة المغرب وزارة الصحة فالفشل فتوفير لقاح VAXIGRIP ضد الإنفلوانزا الموسمية، واعتماد “مقاربة ارتجالية”.
وقالت أن الوزارة دارت هذ العام 300 الف جرعة فقط من اللقاح، فالوقت اللي لعام اللي فات دارت 600 الف، فالوقت اللي كان تعلن على ارتفاع انتاجو بنسبة 20 فالمية.
وتوصلات الكونفدرالية لهذشي بعدما دارت مع مديرية الادوية والصيدلة لقاء، لبارح الاربعاء، باش تناقش معاها الحملة الوطنية للتلقيح ضد الإنفلونزا الموسمية، باش يشمل هذ التلقيح اكبر عدد من المواطنين، خصوصا فهذ الجايحة ديال كورونا.
وقالت الكونفدرالية، فبلاغ ليها حصلات عليه “كود”، أن هذ اللقاء “كان إخبارا بالقرارات المتخدة من طرف الوزارة، ومافيهش مقاربة تشاركية، بحيث خبراتها مديرية الصيدلة بوجود وصفة طبية عاد يتعطى اللقاح. فالوقت اللي “خاصها توفرو لكاع الناس اللي عندهم امراض مزمنة، ويكون متوفر فالصيدليات بدون وصفة، كيف وصات منظمة الصحة العالمية”، حسب تعبيرها.