وكالات-كود//

ميريكان عرفات جريمة قتل غامضة مشا ضحيتها طفل كان ضيف لعيد ميلاد صاحبو، لكن تقتل بالقرطاس وحتى واحد مافهم كيفاش ولا فوقاش.

البوليس لحد الآن ماعرفوش شكون ارتكب الجريمة في حق الطفل لي عندو غير 11 العام ولي وقعات فمنطقة إيست سايد بمدينة كليفلاند.

المتحدث باسم شرطة المدينة ديفيد گالاگر، قال أن أب الولد لي عندو عيد ميلاد خلا الدراري مع بعضياتهم وخرج يجيب شي حاجة لكن ملي رجع لقى الولد مقتول بقرطاسة فصدرو.

ومن جانبه قال بشير جونز ، العضو بمجلس مدينة كليفلاند سيتي : “يبدو أن الواقعة كانت مجرد حادث عرضي جراء لعب بعض الأطفال بمسدس محشو”.